ഉമര് ഫൈസി മുക്കത്തിനെതിരെ കേസ്; നടപടി വി പി സുഹറയുടെ പരാതിയില്

കോഴിക്കോട്: സമസ്ത നേതാവ് ഉമര് ഫൈസി മുക്കത്തിനെതിരെ കേസെടുത്തു. സ്ത്രീവിരുദ്ധ പരാമര്ശം നടത്തിയെന്നാരോപിച്ചാണ് നടക്കാവ് പൊലീസ് കേസെടുത്തത്. സാമൂഹ്യപ്രവര്ത്തക വി പി സുഹറ നല്കിയ പരാതിയിലാണ് കേസ്. റിപ്പോര്ട്ടര് ടിവിയുടെ ക്ലോസ് എന് കൗണ്ടറിലാണ് വിവാദ പരാമര്ശം നടത്തിയത്.

ഉമര് ഫൈസി മുക്കത്തിന്റെ 'അഴിഞ്ഞാട്ടക്കാരി' പരാമര്ശം; തട്ടം നീക്കി പ്രതിഷേധിച്ച് വി പി സുഹറ

ഐപിസി 295എ, 298 വകുപ്പുകള് പ്രകാരമാണ് കേസെടുത്തിരിക്കുന്നത്. തട്ടവും പര്ദ്ദയും ഇസ്ലാമികമാണെന്നും അതിനെതിരെ ആര് പ്രതികരിച്ചാലും എതിര്ക്കുമെന്നുമാണ് ഉമര് ഫൈസി മുക്കം പറഞ്ഞത്. മുസ്ലിം സ്ത്രീകളെ അഴിഞ്ഞാടാന് വിടാന് കഴിയില്ല. പഴഞ്ചന് എന്ന് പറഞ്ഞാലും പ്രശ്നമില്ല. സ്ത്രീകള്ക്ക് അച്ചടക്കം വേണം. തട്ടം ഇടാതെ പോകുന്നത് അഴിഞ്ഞാട്ടമായി കാണുന്നതായും ഉമര് ഫൈസി ക്ലോസ് എന്കൗണ്ടറില് പറഞ്ഞിരുന്നു.

'ഏക സിവില്കോഡ് അനുകൂലികള് ഞങ്ങളുടെ സമരത്തെ മുതലെടുക്കേണ്ടതില്ല'; വി പി സുഹറ

ലോകം മുഴുവന് കേള്ക്കുന്ന രീതിയില് സ്റ്റേജില് കയറി എല്ലാ സ്ത്രീകളും അഴിഞ്ഞാട്ടക്കാരികളാണെന്ന് പറഞ്ഞുകഴിഞ്ഞാല് അതെങ്ങനെ സഹിക്കാന് സാധിക്കുമെന്നാണ് അന്ന് വി പി സുഹറ വിവാദ പരാമര്ശത്തോട് പ്രതികരിച്ചത്.

എത്ര പേര് കേള്ക്കുന്നതാണ്. അഴിഞ്ഞാട്ടം എന്നതിന് വലിയ അര്ത്ഥമുണ്ട്. കൂടെ അഴിഞ്ഞാടാന് വരുന്നത് പുരുഷന്മാരല്ലെ. മനുഷ്യര്ക്ക് സ്വതന്ത്രമായി ജീവിക്കാനുള്ള അവകാശമില്ലെ. വായില്ത്തോന്നിയതെല്ലാം വിളിച്ച് പറയാനാണോ ഇസ്ലാം പഠിപ്പിച്ചിരിക്കുന്നതെന്നും സുഹറ ചോദിച്ചു.